Kriega R20: شنطة ظهر للموتوسيكلات بحماية للظهر

motorcycle backpack with back protector

إن الواحد يجمع ما بين الأمان و العملية فى إخياره لgear الموتوسيكل هى حاجة مهمة جداً و مش سهلة زى ما وضحنا قبل كده فى أختيار نوع الخوذة المناسبة ليك.

الفترة اللى فاتت كان فيه ركيبة بتسأل عن نوع من شنط ظهر الموتوسيكلات اللى يكون فيه حماية للظهر (عشان لا قدر الله لو حصل اللى بالنا بالك).

إحنا قررنا إننا ندور شوية عن الموضوع ده و الحقيقة من الحاجات اللى لفتت نظرنا فى السوق كانت شنطة Kreiga R20. بس قبل ما نتكلم عن إيه المميز فى الشنطة ديه لازم نعرف الأول إيه فايدة إن الركيب يلبس شنطة ظهر مخصصة للموتوسيكلات بدل الشنط العادية.

ليه لازم البس شنطة ظهر مخصصة للموتوسيكلات؟

– أول حاجة (و أهم حاجة) هى قفلة الشنطة المصممة خصيصاً للموتوسيكلات. حتى لو القفلة ديه عبارة عن “سوستة” عادية فى نظرك، إلا إنها بتبقى مصممة خصيصاً عشان متفتحش منك و أنت راكب (و تنزل تلم حاجتك من الشارع ده لو ربنا كرمك و لقيتها).

– الخامات المستخدمة بتستحمل الهواء فى السرعات العالية و الإحتكاك برده لو وقعت.

-الشنطة بتبقى صغيرة فى الحجم مقارنة بالشنط العادية و لكن أماكن التخزين فيها أكتر.

– شنط الموتوسيكلات عادة بيبقى فيها خصائص ممش موجودة فى الشنط العادية زى مكان مخصص لتخزين الخوذة، أو مكان لخزان مياه Hydra pack أو زى ما هنتكلم النهاردة عن مكان مخصص لحماية الظهر.

طيب إيه المميز فى شنطة الKreiga R20؟ تعالوا بينا نشوف..

إمكانية إضافة حماية للظهر.

الشنطة ديه فيها مكان فى الظهر عشان لو حابب تحط فيه panel حماية للظهر (CE level 2) و ديه تعتبر من أهم الخصائص الشنطة اللى أحنا هنتكلم عليها و ده بيرجع لإنها من عوامل الأمان و ليس الرفاهية.

إمكانية إضافة خزان Hydra pack.

مفيش حد ريقه مش بينشف و هو راكب الموتوسيكل (الأدرينالين زى ما ليه حلاوته ليه الوحش بتاعه). فيه ركيبة بتفضل إنها تراقب مستوى المياه فى جسمها طول الوقت (و ديه حاجة كويسةجداً). الKriega R20 فيها مكان بقى عشان لو حابب تحط Hydra pack و الخراطيم بتتوصل على ذراعات الشنطة فى الأماكن المخصصة ليها.

إضافة أماكن تخزين للشنطة.

الحجم الأساسى للشنطة ٢٠ لتر و فيها أماكن تخزين كتير. و لكن ممكن تضيف مساحة أكتر عن طريق إضافة قطع تانية للشنطة US-5 drypack أو US-10 drypack و ده على حسب المساحة الإضافية اللى إنت محتاجها فى التخزين.

من أجل تجربة قيادة موتوسيكل أفضل.

الشنطة مصممة بحيث تبقى فتحة الأيد بعيدة عن ذراع الركيب و متضايقهوش أثناء الركوب. يمكن ديه من الحاجات اللى مش بيتبقى موجودة فى شنط الظهر العادية. الشنطة ممكن تضظبط على الوضع المناسب ليك أثناء الركوب طبعاً .

تعالوا بينا نتفرج على الڤيديو ده عشان نعرف أكتر عن الشنطة…

Video Credits: KriegaUS

هتخليك ظاهر دائماً على الطريق.

و ده بيرجع لعاكسات الضوء الموجودة على الجزء الأساسى للتخزين فى الشنطة. مش هنتكلم طبعا عن أهمية إن الركيب يكون ظاهر دائما للعربيات خصوصا باليل.

Technical Specifications.
1000D Cordura® on base and harness
Hypalon abrasion resistant reinforcement.
420D nylon rip-stop construction
Superspace 5mm airspace fabric
Dimensions.
470(h) x 280(w) x 150(d) mm
18.5(h) x 11.0(w) x 5.9(d) ins.
Weight.
1150 Grams

[metaslider id=1870]

photo credits: kriega.com

الخلاصة.

الخلاصة إننا شايفين إن الشنطة ديه كويسة جداً و لكن فيها عيب كبير شوية و هو سعرها. ده بالإضافة إلى إن أى حاجة بتضاف للشنطة زى حماية الظهر أو الhydra pack أو غيره بتشتريها لوحدها و طبعاً بتبقى مش رخيصة. فيه بدائل تانية للشنطة ديه (أقل منها جودة و سعر طبعاً).

البدائل

[metaslider id=1892]